Etalaj fwi, legim ak lòt pwodwi agrikòl nan peryòd COVID-19: kisa machann yo ka fè pou pwoteje tèt yo ok kliyan yo¹

Natalie Seymour, Mary Yavelak, Candice Christian, ak Ben Chapman. Emmanuel Duvalsaint te tradwi dokiman sa a. ²

PI BON PRATIK YO

Agrikiltè ak kliyan yo pa dwe ale kote yo etale fwi, legim ak lòt pwodwi agrikòl pou vann si yo gen sentòm COVID-19 la, oswa si yo ta antre an kontak ak yon moun ki malad. Nenpòt moun ki ta gen sentòm yo ap kite espas sa a.
Agrikiltè ki gen sentòm yo oswa ki ap viv ak yon moun ki gen sentòm yo pa ta dwe al nan rekòlte oswa vann pwodwi agrikòl.
Anplwaye kap travay yo dwe mete yon mas.
Nan antre kote yap vann pwodwi agrikòl yo, yo ta dwe mete yon kote pou w ka lave men w oswa mete sanitayzè pou moun itilize. Si yon moun ap manyen lajan, li dwe itilize sanitayzè aprè chak tranzaksyon li finn fè.
Evite pran bwat katon oswa panye ki paka netwaye oswa dezenfekte.
Si sa posib, tou mete pwodwi yo nan sachè oswa katon anvan nou vann yo.
Ze yo ta dwe vann nan yon resipyan ki ka itilize yon sèl fwa.

Kominike avèk kliyan yo atravè siy/pano oswa medya sosyal pou w mande yo pou yo rete lakay yo si yo gen sentòm yo.
Mete sanitayzè devan tab kote moun yo ap chwazi fwi oswa legim epi tou pre kès lajan an. Mete yon siy/pano pou raple moun yo pou yo itilize sanitayzè anvan yo achte, anvan yo peye epi lè yo finn ale.
Mande kliyan yo pou yo manyen sèlman pwodwi yo gen entansyon pou achte.
Daprè konsiy lokal yo, ou ta dwe ankouraje kliyan yo pou yo mete yon mas.

Si sa posib, itilize tab plastik ki fasil pou dezenfekte.
Panse ak tout kote yo ka manyen anpil yo tankou panye yo, tab yo, ak kès lajan an, elatriye. Elimine oswa dezenfekte plis posib omwen nan fen jounen an.
CDC rekòmande pou sèvi ak dezenfektan ki sou lis EPA a, w ap jwenn lis sa a sou sit entènèt go.ncsu.edu/epacovid-19

Nòt: lis sa a baze sou done aktyèl; pako gen pyès konpoze ki valide pou inaktive viris ki lakòz COVID-19 la.
Ou ka itilize klowòks pou dezenfekte sifas yo, men konsantrasyon w ap itilize pou COVID-19 la ap pi fò ke sa w konn itilize pou fè netwayaj chak jou a: 5 kiyè klowòks nan yon galon dlo.

(800) 232-4636